وش قيمة الغالي اذا مــــــــا تغلى

صد وتغلى واحرق اعصاب مغليـك
وش قـيـمــة الـغـالــي اذا مـاتـغــلا



ابعد وطنشنـي واذا قلـت وش فيـك
قـول الـهـوى لعـبـه وحـنـا انتـسـلا



ابـيـك بــارد دوم تـقـهـر محـاكـيـك
وانــا ابتظـاهـر بالـصـبـر واتـحــلا



وان جيت يمـك مـد عنـي خطاويـك
مـن شيمـة المقفـي خطاويـه عجـلا




لا تلتفـت لـي لـو اصـوت وانـاديـك
وان طاحت الدمعه ترا العين خجـلا



واذا التقينـا صدفـه وقمـت اراعيـك
راع بطـرف عيـنـك وصــد وتـعـلا



وان قلت لك تكفـى ذبحنـي تجافيـك
والقـلـب ياقلـبـي مــن الـصـد مــلا



قـل بـدري وطبطـب علـيـه بيـاديـك
وتـل الخفـوق بسهـم الاعيـان تــلا



نذرن علي لابيع هالكـون واشريـك
يااحلا من السكر يابو عيـون نجـلا



وابـوس رأسـك ثـم اقبـل خطـاويـك
واستسمحـك لـو جاتـنـي مـنـك زلا



ولك العهد لو تحرق اعصاب مغليك
يــزود ماينـقـص غــلا مــن تـغــلا

كلمتك كلها احساس ...دمتي لنا

تسلمي على المرور العذب